PARİS NƏQLİYYATINDA TƏHLÜKƏSİZLİK TƏDBİRLƏRİGÜCLƏNDİRİLİR

20.09.2006 [23:45]
Çap et
A⁺ A^-

AZƏRTAC-ın xüsusi müxbiri xəbər verir ki, Fransanın Baş naziri Dominik de Vilpən 1985-1986-cı və 1995-1996-cı illərdəki terror aktlarının qurbanlarının xatirəsinin anılması ilə əlaqədar keçirilən tədbirlərdə Paris nəqliyyatında təhlükəsizlik tədbirlərinin gücləndirildiyini bəyan etmişdir.

Baş nazir bildirmişdir ki, hökumət gələcəkdə də nəqliyyatda təhlükəsizlik tədbirlərini diqqətdə saxlayacaq, terror təhlükəsinin qarşısını vaxtında almaq məqsədi ilə əlavə tədbirlər görəcəyini söyləmişdir.

Fransanın hazırda bütün dünyanı təhdid edən terror təhlükəsindən kənarda qalmadığını xatırladan D.Vilpən bunu son vaxtlar ölkənin Şərqdə və Yaxın Şərqdə yaranmış vəziyyətlə əlaqədar apardığı siyasətlə əlaqələndirmişdir.

Baş nazir terror təhlükəsi barədə vətəndaşların mümkün qədər geniş məlumatlandırılacağını bildirmişdir.