Parlament seçkiləri şəffaf və demokratik şəraitdə, yüksək peşəkarlıqla keçirilməlidir
Bakı, 21 avqust, AZƏRTAC
Növbəti parlament seçkilərinin yüksək səviyyədə təşkili üçün dairə və məntəqə seçki komissiyalarına hər cür şərait yaradılıb. Ölkəmizdə keçirilən prezident, parlament və bələdiyyə seçkiləri dairə və məntəqə seçki komissiyalarının peşəkarlığının yüksək olduğunu göstərir.
AZƏRTAC xəbər verir ki, bu fikirləri Azərbaycan Respublikası Prezidenti Administrasiyası rəhbərinin müavini, regional idarəetmə və yerli özünüidarəetmə orqanları ilə iş şöbəsinin müdiri Zeynal Nağdəliyev avqustun 21-də MSK-da keçirilən geniş müşavirədə səsləndirib.
Dairə seçki komissiyalarının sədrlərinin böyük təcrübəsi olduğunu vurğulayan Prezident Administrasiyasının rəsmisi, bununla belə, onlara arxayınlaşmamağı tövsiyə edərək deyib: Parlament seçkiləri yüksək şəffaflıqla, demokratik şəraitdə keçirilməlidir və bunu təmin etmək lazımdır. Seçkilərdə xırda məsələ yoxdur. Bu sahədə zərrə qədər nöqsan ölkəmizin imicinə mənfi təsir edə bilər. Biz fəaliyyətimizlə, yaxud fəaliyyətsizliyimizlə buna xələl gətirə bilmərik. Ona görə də hər birimiz bu seçkilərə yüksək məsuliyyət hissi ilə getməliyik. Onu yüksək peşəkarlıqla keçirməliyik. Dövlətimizin başçısı İlham Əliyevin bizim qarşımızda qoyduğu vəzifə də budur.
Bölmənin digər xəbərləri
