Parlamentin sədri: Gürcüstan-Brüssel münasibətləri regionda formalaşmış siyasi mühitin girovudur
Tbilisi, 12 may, AZƏRTAC
"Bu gün Gürcüstan və Brüssel münasibətləri regionumuzda formalaşmış siyasi mühitin girovudur. Gərginlik aradan qalxan kimi münasibətlər də azad olacaq".
AZƏRTAC xəbər verir ki, bu sözləri jurnalistlərə açıqlamasında Gürcüstan parlamentinin sədri Şalva Papuaşvili deyib.
Papuaşvili bildirib ki, mövcud kontekst aradan qalxan kimi, elə həmin anda Gürcüstan, Brüssel və Aİ-nin digər üzv ölkələri arasında da münasibətlər azad olacaq.
Onun qiymətləndirməsinə görə, Avropadakı bəzi siyasi qrupların Gürcüstana qarşı iki yanlış yanaşması var: "Avropadakı bəzi siyasi qrupların Gürcüstanla bağlı pis niyyətli gözləntiləri var. Lakin onlardan fərqli olaraq biz, NATO və ya Aİ-nin iqtisadi həmrəylik çətiri tərəfindən qorunmuruq. Digər tərəfdən, Avropada bizim üçün müəyyən siyasi rüsvayçılıq edən qruplar var. Saakaşvilini nəinki qanuni cəzadan xilas etməyə, həm də onun siyasi gücünü hakimiyyətə gətirməyə çalışırlar. Bu, bəzi siyasi qrupların Gürcüstana qarşı iki yanlış yanaşmasıdır”.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
