Paşinyan: Ermənistanda hakimiyyətin ələ keçirilməsinin qarşısı alınıb
Bakı, 25 iyun, AZƏRTAC
Ermənistanın hüquq-mühafizə orqanları ölkədə hakimiyyətin ələ keçirilməsi cəhdinin qarşısını alıblar.
AZƏRTAC xəbər verir ki, bunu baş nazir Nikol Paşinyan bildirib.
“Hüquq-mühafizə orqanlarının əməkdaşları “kriminal oliqarx ruhanilərin” Ermənistan Respublikasında sabitliyi pozmaq və hakimiyyəti ələ keçirməyə hesablanmış irimiqyaslı və bədnam planının qarşısını alıblar”, – deyə o, “Telegram” kanalında yazıb və İstintaq Komitəsinin bəyanatını dərc edib.
Hazırda təhlükəsizlik qüvvələri müxalifətin “Müqəddəs mübarizə” hərəkatının lideri arxiyepiskop Baqrat Qalstanyanın evində axtarış aparırlar. O və tərəfdarları hakimiyyəti ələ keçirmək məqsədilə terror aktları hazırlamaqda ittiham olunur.
Bölmənin digər xəbərləri
