PAUERLİFTİNQ ÜZRƏ BAKI ÇEMPİONATI BAŞA ÇATMIŞDIR
Bakı Şəhər Gənclər, İdman və Turizm Baş İdarəsinin təşkilatçılığı ilə MOİK-in idman zalında keçirilən pauerliftinq üzrə paytaxt çempionatı başa çatmışdır.
İdarədən AZƏRTAC-a bildirmişlər ki, on iki çəki dərəcəsində keçirilən yarışlarda paytaxtın 50 idmançısı mübarizəyə qatılmışdır. Nəticələrə görə, Akif Alıyev (52 kq, MOİK), Aqil Babayev (56 kq, “Məhsul”), Əfqan Əliyev (60 kq, “Spartak”), Yusif Əsilbəyov (67,5 kq, “Spartak”), Rüstəm Musayev (75 kq, “Spartak”), Sahib Əliyev (82,5 kq MOİK), Rauf Nəzərov (90 kq, “Spartak”), Zakir Həsənov (100 kq, MOİK), Qədir Hüseynov (110 kq, Azərbaycan Texniki Universiteti), Orxan Məmmədov (125 kq, MOİK), Mirabbas Ələkbərov (140 kq, “Spartak”), Atamoğlan Atamoğlanov (140 kq-dan yuxarı, “Məhsul”) Bakı çempionu olmuşlar.
Qaliblərə diplom və mükafatlar verilmişdir.
Bölmənin digər xəbərləri
