Pekindən rəy: Azərbaycan vasitəsilə logistikanın inkişaf etdirilməsi Avrasiyada ticarətin artmasına töhfə verəcək

22.04.2026 [18:42]
Çap et
A⁺ A^-

Bakı, 22 aprel, AZƏRTAC

Orta Dəhliz boyunca logistika infrastrukturunun gücləndirilməsi Asiya ilə Avropa ölkələri arasında ticarətin genişlənməsinə kömək edəcək.

Bu fikri logistika üzrə çinli ekspert Van Süy Dun AZƏRTAC-ın saytında yayımlanan “Azərbaycan və dünya” proqramının növbəti buraxılışında bildirib.

Onun sözlərinə görə, Azərbaycanda inkişaf etmiş nəqliyyat sistemi və logistika imkanlarının təkmilləşdirilməsi iqtisadi artımda və regional qarşılıqlı əlaqənin gücləndirilməsində mühüm amil olacaq. O qeyd edib ki, Çin, Azərbaycan və marşrutda iştirak edən digər ölkələr arasında ticarət münasibətləri fəal şəkildə genişlənməyə davam edəcək.

Ekspert, həmçinin vurğulayıb ki, Azərbaycan yaxın illərdə Avrasiyada əsas logistika mərkəzlərindən biri kimi mövqeyini daha da gücləndirə biləcək. Onun qiymətləndirməsinə görə, Cənubi Qafqazdan keçən nəqliyyat marşrutlarının inkişafı həm Asiya, həm də Avropa bazarlarının maraqlarına cavab verir, bu bazarlar davamlı və şaxələndirilmiş təchizat zəncirlərində maraqlıdırlar.

_{Müəllif - Tamilla Məmmədova}