Pentaqon: Husilər Ədən körfəzində ABŞ-a məxsus taxıl tankerini vurub
Bakı, 21 fevral, AZƏRTAC
Husilərin “Ənsar Allah” hərəkatı Ədən körfəzində ABŞ-a məxsus taxıl tankerini vurub.
AZƏRTAC xəbər verir ki, bu barədə Pentaqonun Mərkəzi Komandanlığı məlumat yayıb.
Bildirilib ki, “Sea Champion” taxıl daşıyan tankerə iki gəmi əleyhinə raket atılıb.
“Xırda dağıntılar olub, xəsarət alan olmayıb. Gəmi Ədən körfəzində hərəkətini davam etdirib”, - məlumatda qeyd edilir.
Daha əvvəl “Ənsar Allah” hərəkatının nümayəndəsi husilərin Ədən körfəzində İsrail gəmisinə hücum etdiyini bildirib.
Bölmənin digər xəbərləri
