Pirallahı rayonunda yaşıllaşdırma işləri davam etdirilir
Bakı, 3 dekabr (AZƏRTAC). Pirallahı rayonunda ətraf mühitin qorunması və ekoloji vəziyyətin daha da yaxşılaşdırılması prioritet məsələlərdən biridir. Bu istiqamətdə Pirallahı Rayon İcra Hakimiyyətinin təşəbbüsü və təşkilatçılığı ilə rayonun bir çox ərazilərində, o cümlədən Pirallahı qəsəbəsində son aylar ərzində minə qədər müxtəlif ağac tingləri əkilmişdir.
AZƏRTAC xəbər verir ki, qəsəbənin 29-cu məhəllə adlanan yaşayış massivində və Səməd Vurğun küçəsində və qəsəbənin giriş hissəsində-magistral yolun kənarında ümumilikdə 400-dən çox xançiçək, küknar, zeytun ağacı əkilmişdir. Qəsəbə ziyalıları, yerli təşkilatların nümayəndələri və sakinlər də bu təşəbbüsə qoşularaq ağacəkmə kampaniyasında həvəslə iştirak etmişlər.
Qeyd edək ki, rayon ərazisindəki bütün ağacəkmə kompaniyalarında yeni yaradılan Pirallahı rayon Yaşıllıqların İstismarı Sahəsi fəal iştirak edir. Ağacların suvarılması üçün əraziyə xüsusi su maşınları cəlb olunmuşdur. Səliqə ilə əkilən ağacların dibləri bərkidilmiş və suvarılmışdır. Yaşıllıqların sayının artırılması məqsədilə keçirilən bu aksiya gələcəkdə də davam etdiriləcəkdir.
Bölmənin digər xəbərləri
