Polis azaraq Qubaya gələn 4 yaşlı uşağı valideynlərinə qovuşdurub
Quba, 12 sentyabr, Elxan Yusifli, AZƏRTAC
Quba rayon ərazisində azyaşlı oğlanın tək dolaşması polis əməkdaşlarının diqqətini cəlb edib. Uşağın azaraq bura gəlməsi və evlərini tapa bilməməsi müəyyən olunub.
Daxili İşlər Nazirliyinin Mətbuat Xidmətinin Quba regional qrupundan AZƏRTAC-a verilən məlumata görə, azyaşlı Quba RPŞ-nə gətirilərək onun ailəsinin axtarışına başlanılıb. Qısa müddət ərzində uşağın 2016-cı il təvəllüdlü Qusar rayon sakini olduğu müəyyənləşdirilib. Azyaşlının valideynləri tapılaraq uşaq onlara təhvil verilib.
Valideynlər övladlarının sağlam halda, heç bir zərər görmədən onlara təhvil verilməsinə görə polisə minnətdarlıqlarını bildiriblər.
Bölmənin digər xəbərləri
