Portuqaliyanın dəniz sənayesinə 2030-cu ilədək 5 milyard avro sərmayə yatırmaq planlaşdırılır
Lissabon, 20 aprel, AZƏRTAC
Portuqaliyanın dəniz sənayesinə 2030-cu ilədək 5 milyard avro sərmayə yatırmaq planlaşdırılır.
AZƏRTAC xəbər verir ki, “Portuqaliyanın biznes konfederasiyası” dəniz iqtisadiyyatı üzrə strateji şuranın məlumatına görə, investisiya limanlardan və gəmiqayırmadan başlayaraq, balıqçılıq və balıq emalınadək, biotexnologiyadan tutmuş turizmə və ətraf mühitin iqtisadiyyatınadək dəniz sektorunun yenidən işə salınmasına yönəldiləcək. 2,5 milyard avronun Avropa İttifaqı fondlarından alınması planlaşdırılır.
Bu sərmayələr Portuqaliyanın limanlarının, sualtı kommunikasiyalarının, qida sənayesinin və turizminin dünya miqyasında rəqabətqabliyyətliliyinin artırılması işinə xidmət edəcək.
Portuqaliyanın ən iri ixracatçılardan biri olan dəniz sənayesi ildə 6 milyard avro dövriyyəyə malikdir ki, bu da milli ÜDM-in 3 faizinə bərabərdir.
Nigar Cəfərli
AZƏRTAC-ın xüsusi müxbiri
Lissabon
Bölmənin digər xəbərləri
