Premyer Liqa: Çempion “Kəpəz”ə uduzub
Bakı, 8 may, AZƏRTAC
Futbol üzrə Azərbaycan Premyer Liqasında XXXI turun növbəti oyunu keçirilib.
AZƏRTAC xəbər verir ki, açılış matçında çempionluğu təmin etmiş “Sabah” öz meydanında “Kəpəz”i qəbul edib. “Bank Respublika Arena”da təşkil olunan görüş Gəncə təmsilçisinin 1:0 hesablı qələbəsi ilə yekunlaşıb.
“Sabah” 75 xalla turnir cədvəlinə başçılıq edir. 27 xalı olan “Kəpəz” isə 10-cu sırada yer alıb.
Günün ilk matçında “İmişli” və “Zirə” komandaları qarşılaşıb. Quba Olimpiya İdman Kompleksinin stadionunda keçirilən görüş qolsuz heç-heçə ilə yekunlaşıb – 0:0.
Turnir cədvəlində Bakı klubu 50 xalla 5-ci, İmişlinin eyniadlı təmsilçisi isə 33 xalla 9-cu pillədə qərarlaşıb.
Qeyd edək ki, XXXI turun digər qarşılaşmaları mayın 9-10-da təşkil olunacaq.
Bölmənin digər xəbərləri
