Premyer Liqa: “Sumqayıt” səfərdə “Turan Tovuz”a qalib gəlib
Bakı, 31 mart, AZƏRTAC
“Turan Tovuz” - “Sumqayıt” oyunu ilə futbol üzrə Azərbaycan Premyer Liqasında dördüncü dövrəyə start verilib.
AZƏRTAC xəbər verir ki, Tovuz şəhər stadionunda keçirilən XXVIII turun açılış matçında “Sumqayıt” 3:2 hesablı qələbə qazanıb.
Tovuz təmsilçisinin heyətində Natan Oduva və Runi Eva fərqləniblər. Rəqib komandadan isə Kamran Aliev dubl edib, digər qolu Dieqo Karioka vurub.
Hazırda Tovuz təmsilçisi 28 xalla altıncı, “Sumqayıt” klubu isə 24 xalla yeddinci pillədə qərarlaşıb.
Qeyd edək ki, turun “Kəpəz” - “Səbail” və “Zirə” - “Neftçi” oyunları aprelin 1-də, “Şamaxı” - “Qarabağ” və “Sabah” - “Qəbələ” görüşləri isə aprelin 2-də keçiriləcək.
Bölmənin digər xəbərləri
