Prezidentin köməkçisi: Xalqımız Türkiyənin Azərbaycana siyasi və mənəvi dəstəyini yüksək qiymətləndirir
Bakı, 3 oktyabr, AZƏRTAC
Azərbaycanla Türkiyə arasında dostluq və qardaşlıq münasibətləri yüksək səviyyədə davam edir.
AZƏRTAC xəbər verir ki, bunu jurnalistlərə açıqlamasında Prezidentin köməkçisi-Prezident Administrasiyasının Xarici siyasət məsələləri şöbəsinin müdiri Hikmət Hacıyev bildirib.
Prezidentin köməkçisi deyib ki, qardaş Türkiyə hər fürsətdə Azərbaycana dəstəyini göstərir. Prezident Rəcəb Tayyib Ərdoğan tərəfindən ifadə olunan fikirlər Prezident İlham Əliyev tərəfindən də yüksək qiymətləndirilir. Hazırda Türkiyənin bu məsələdə Azərbaycana siyasi və mənəvi dəstəyini görürük ki, bu da xalqımız tərəfindən yüksək dəyərləndirilir.
Bölmənin digər xəbərləri
