RƏSMİ XRONİKA
PREZİDENTİN MƏTBUAT XİDMƏTİNİN MƏLUMATI
Martın 3-də Azərbaycan Respublikasının Prezidenti İlham Əliyev Rusiya Federasiyasının prezidenti seçkilərində qalib gəlmiş Dmitri Medvedevə zəng etmişdir.
Dövlətimizin başçısı Dmitri Medvedevi seçkilərdə inamlı qələbəsi münasibətilə təbrik etmiş, yüksək dövlətçilik fəaliyyətində ona uğurlar arzulamışdır.
Rusiya Federasiyasının prezidenti seçkilərində qalib gəlmiş Dmitri Medvedev təbrikə və diqqətə görə minnətdarlığını bildirmişdir.
Cənab İlham Əliyev və cənab Dmitri Medvedev ölkələrimiz arasında müxtəlif sahələrdə uğurla inkişaf edən münasibətlərin bundan sonra da genişlənəcəyinə əmin olduqlarını vurğulamışlar.