QAÇQIN VƏ MƏCBURİ KÖÇKÜNLƏR ÖLKƏ PREZİDENTİNİN SƏRƏNCAMINI BÖYÜK RAZILIQLA QARŞILAMIŞLAR

05.02.2004 [15:42]
Çap et
A⁺ A^-

AZƏRTAC-ın bölgə müxbiri xəbər verir ki, Azərbaycan Prezidenti İlham Əliyevin “Azərbaycan torpaqlarının erməni silahli qüvvələri tərəfindən işğalı nəticəsində didərgin düşmüş, Bərdə və Ağcabədi rayonlari ərazisində çadir düşərgələrində, eləcə də Bərdə rayonu ərazisində dəmir yolu üzərindəki yük vaqonlarında müvəqqəti yerləşdirilmiş Ağdam və digər rayonlardan olan məcburi köçkünlərin sosial, mənzil-məişət vəziyyətinin yaxşılaşdırılması və məşğulluğunun təmin edilməsi tədbirləri haqqinda” Sərəncamı qaçqın və məcburi köçkünlər tərəfindən böyük razılıqla qarşılanmışdır.

Bərdədəki Türkiyənin “Qızıl ay”, Beynəlxalq İslam Nicat təşkilatının “Ərəb-1”, “Ərəb-3” çadır şəhərciklərində, yük vaqonlarında müvəqqəti məskunlaşmış ağdamlı məcburi köçkünlərdən Saray Abbasova, Təvəkkül Rüstəmov, Kamran Hüseynov, Qələm Həsənova AZƏRTAC-ın müxbirinə bildirmişlər ki, ölkəmizin Prezidentinin yeni sərəncamı ürəyimizdən xəbər verir. Biz öz seçimimizdə yanılmamışıq. İnanırıq ki, görkəmli siyasətçi, ümummilli liderimiz Heydər Əliyevin siyasi xəttinin layiqli davamçısı respublikamızın hərtərəfli inkişafını təmin edəcəkdir. O, biz qaçqın və məcburi köçkünləri də unutmur, sosial şəraitimizi yaxşılaşdırmaq üçün lazımi tədbirlər görür. Dövlətimizin başçısına dərin minnətdarlığımızı bildirir və əminik ki, onun qətiyyəti sayəsində torpaqlarımız erməni işğalından tezliklə azad olunacaqdır.

QAÇQIN VƏ MƏCBURİ KÖÇKÜNLƏR ÖLKƏ PREZİDENTİNİN SƏRƏNCAMINI BÖYÜK RAZILIQLA QARŞILAMIŞLAR

MÜƏLLİFLƏ ƏLAQƏ

Bölmənin digər xəbərləri