Qadın voleybolçulardan ibarət dünya çempionatının qalibi bəlli olub
Bakı, 16 oktyabr, AZƏRTAC
Serbiya millisi qadın voleybolçular arasında dünya çempionatının ikiqat qalibi olub.
AZƏRTAC xəbər verir ki, Niderlandın Apeldorn şəhərində keçirilən final oyununda Serbiya millisi Braziliya yığmasını 3:0 (26:24, 25:22, 25:17) hesabı ilə məğlub edib.
Üçüncü yer uğrunda oyunda İtaliya ABŞ komandasına qalib gəlib - 3:0 (25:20, 25:15, 27:25).
Qeyd edək ki, Serbiya turnirdə məğlub olmayan yeganə komanda olub. Onlar ikinci dəfə dünya çempionatının qızıl medallarını qazanıblar. Serbiya seçməsi ilk çempionluğunu 2018-ci ildə əldə edib.
Bölmənin digər xəbərləri
