“QADINLARIN LİDERLİYİ” PROQRAMI HƏYATA KEÇİRİLİR

30.06.2004 [11:19]
Çap et
A⁺ A^-

ATƏT-in Demokratik Təsisatlar və İnsan Hüquqları Bürosu (DTİHB) 2000-ci ildən etibarən Azərbaycanda “Qadınların liderliyi” proqramını həyata keçirir. 2001-2002-ci illərdə Qadın Problemləri üzrə Dövlət Komitəsi ilə birgə DTİHB nazirliklərdə və digər dövlət qurumlarında gender məsələlərinə məsul şəxslər üçün seminarlar təşkil etmişdir.

Komitədən AZƏRTAC-a bildirmişlər ki, bu əməkdaşlığın davamı kimi həyata keçirilən işləri 2004-2005-ci illər üçün “Gender aspektlərinin hökumət strukturlarının işinə inteqrasiyası” proqramı çərçivəsində genişləndirmək qərara alınmışdır. Bununla əlaqədar olaraq, Estoniyanın Sosial Məsələlər Nazirliyinin eksperti Reet Laja və Litvanın Bərabər imkanlar üzrə Ombudsman Aparatının müşaviri Algirdaş Mesauskas bu günlərdə Azərbaycanda olmuşlar. Səfər çərçivəsində onlar hökumət nümayəndələri ilə müvafiq görüşlər keçirmiş, Azərbaycan üçün 2004-2005-ci illərin proqram strategiyasının müəyyənləşdirilməsi istiqamətində danışıqlar aparmışlar.

Layihənin həyata keçirilməsinə proqramın maliyyə təminatı məsələsi həll olunduqdan sonra başlanacaqdır.