QAFQAZ MEDİYA İCTİMAİ BİRLİYİNİN UŞAQLARA TÖHFƏSİ
Bayram ovqatlı tədbiri QMİB-in rəhbəri Azadə Taleh Abbas qızı açaraq, uşaqlara “İpək uşaq” və “Fəal uşaq” diplomları təqdim etmişdir.
Sonra qonaqlar özləri ilə gətirdikləri ərzaq və pal-paltarı oynaq musiqinin müşayiəti ilə körpələr evinin sakinlərinə vermişlər. Tədbir iştirakçılarından Şəmsiyyə Kərimova, Hacı Fahilə xanım, Solmaz Qocayeva, Gürcüstandan gəlmiş yazıçı Əli Abbas, şair-tərcüməçi Givi Paçxataşvili, şairlər Səadət Buta, Elmira Mahalqızı və başqaları uşaqlara qatılaraq, onlarla rəqs etmiş, balacaları şənləndirmişlər. Uşaqlar viktorinalarda da həvəslə iştirak etmişlər.
Sonra qonaqlar pay-püşlə Mərdəkandakı 2 nömrəli internat məktəbinə getmişlər. Eyni proqramla keçirilən bu xeyriyyə uşaq marafonu şagirdlərin ürəyincə olmuşdur. Azadə Taleh Abbas qızı “Yurdumun Azadəsiyəm” kitabını uşaqlara hədiyyə etmişdir.
Bu, Qafqaz Media ictimai birliyinin on beşinci tədbiri idi. Təşkilat öz xeyriyyəçiliyini bundan sonra da davam etdirmək niyyətindədir.
