“Qalatasaray”ın oyunu mübahisəli penalti qərarına görə yarımçıq dayandırılıb
Bakı, 9 fevral, AZƏRTAC
Türkiyə Superliqasının XXIII turunun “Qalatasaray” – “Adana Dəmirspor” oyunu yarımçıq dayandırılıb.
AZƏRTAC xəbər verir ki, buna qonaq komandanın meydanı tərk etməsi səbəb olub.
12-ci dəqiqə görüşün baş hakimi Adana təmsilçisinin qapısına mübahisəli penalti təyin edib. Alvaro Morata dəqiq zərbə ilə İstanbul klubunu hesabda önə çıxarıb. Penalti epizoduna etiraz edən “Adana Dəmirspor”un futbolçuları baş məşqçi Mustafa Alpər Avcı ilə məsləhətləşmədən sonra meydanı tərk edərək, paltardəyişmə otağına yollanıblar.
Qarşılaşma ilə bağlı yekun qərarı Türkiyə Futbol Federasiyası qəbul edəcək.
Bölmənin digər xəbərləri
