“Qara işıq”dan süzülən şeirlər

02.04.2015 [20:35]
Çap et
A⁺ A^-

Bakı, 2 aprel, AZƏRTAC

Müzahim İsmayılzadənin Bakı, “MBM” nəşriyyatı tərəfindən çap olunan şeirlər kitabı “Qara işıq” adlanır.

AZƏRTAC xəbər verir ki, kitaba müəllifin son illər yazdığı lirik şeirlər daxil edilib. Yaradıcılığa şeirlə başlayan müəllifin imzası oxuculara çoxdan tanışdı. Belə ki, onun yaradıcılıq məhsulu olan bir neçə nəsr əsəri müəllifinə çoxdan hörmət qazandırıb. “Qara ışıq” M.İsmayılzadənin bir növ özünə qayıdışıdır. Müasir insanının dünyagörüşü, duyğusu, xarakteri, sevgi dolu hisləri bu şeirlərin əsas mövzusunu təşkil edir.

Müəllifin kitabda yer alan “Araz-Vətəndi, Vətən”, “Mən yerdəyəm, sən göydə”, “Yaxşı adamlar”, “Ürəyimdə”, “Günəş gözümdə yatır” və digər şeirlərində onun sözə həssas münasibəti, poetik axtarışları, obrazlı ifadələri, ən əsası isə səmimiliyi diqqəti cəlb edir.

İnanırıq ki, nəsr əsərlərində olduğu kimi, yeni şeirlər kitabı da Müzahim İsmayılzadəni oxuculara sevdirəcək.

“Qara işıq”dan süzülən şeirlər

MÜƏLLİFLƏ ƏLAQƏ

Bölmənin digər xəbərləri