“Qara qızıl”ın qiymətləri fevralı artımla tamamlayıb
Bakı, 1 mart, AZƏRTAC
Birjalarda neft qiymətləri fevral ayını artımla tamamlayıb.
AZƏRTAC xəbər verir ki, neft qiymətləri ardıcıl dördüncü aya da qazancla yekun vurub. Ay ərzində qiymətlər pandemiyadan əvvəlki səviyyəyə qayıdıb. Belə ki, “Brent” markalı neftin bir barrelinin qiyməti keçən ilin yanvarından bəri ilk dəfə 67 dolları ötüb.
Neft qiymətləri bu həftəyə də atımla başlayıb. Neft bazarında diqqət “OPEC+”un cümə axşamı keçiriləcək toplantısına yönəlib.
Hazırda “Brent”in bir barreli Londonun ICE birjasında 65 dollardan, “Light” markalı neftin bir barreli isə Nyu-Yorkun NYMEX birjasında 62 dollardan baha satılır.
Bölmənin digər xəbərləri
