“Qarabağ” Rumıniya, Polşa, Serbiya və Slovakiya klubları ilə yoxlama oyunları keçirəcək
Bakı, 27 dekabr, AZƏRTAC
Azərbaycanı UEFA Konfrans Liqasında təmsil edən Ağdamın “Qarabağ” klubunun qış hazırlıq planı müəyyənləşib.
AZƏRTAC xəbər verir ki, komanda yanvarın 5-də Bakıda məşqləri bərpa edəcək. Hazırlığın ikinci mərhələsi Antalyada olacaq.
Yanvarın 12-də Türkiyəyə yollanacaq komandanın 5 yoxlama oyunu keçirməsi nəzərdə tutulub. Ağdam təmsilçisi yanvarın 14-də “Qaz Metan” (Rumıniya), yanvarın 21-də "Şlyonsk Vroçlav" (Polşa), ayın 25-də isə “Visla Krakov” (Polşa) klubları ilə qarşılaşacaq.
Yanvarın 21-də və 25-də daha iki oyun keçiriləcək. Komanda səhər saatlarında Serbiyanın “Batska Topola” və Slovakiyanın “Tatran” klubları ilə üz-üzə gələcək. Bu iki oyunda əsasən, gənc futbolçulara şans veriləcək.
"Qarabağ"ın Antalya toplanışı yanvarın 26-da başa çatacaq.
Bölmənin digər xəbərləri
