“Qarabağ”ın legioneri Norveç klubuna keçir
Bakı, 13 mart, AZƏRTAC
“Qarabağ”ın futbolçusu Kris Kuaku karyerasını Norveçdə davam etdirəcək.
AZƏRTAC Afrika mətbuatına istinadən xəbər verir ki, Kot d`İvuardan olan 26 yaşlı yarımmüdafiəçi “Sarpsborq” komandası ilə müqavilə imzalamağa yaxındır.
Məlumata görə, yarımmüdafiəçi keçidi rəsmiləşdirmək üçün Norveçə yollanıb. Transferin tamamlanması üçün yalnız tibbi müayinənin nəticəsi gözlənilir. Tərəflərin artıq transferin bütün şərtləri üzrə razılığa gəldikləri qeyd olunub.
Artıq məlumatı “Qarabağ” klubu da təsdiqləyib
Qeyd edək ki, Kris Kuaku “Qarabağ”a 2025-ci ilin yayında keçmişdi.
Bölmənin digər xəbərləri
