“Qarabağ”ın qapıçısı zədəsini sağaldaraq məşqlərə başlayıb
Bakı, 20 noyabr, AZƏRTAC
UEFA Avropa Liqasının qrup mərhələsində Bakıda Almaniyanın “Bayer” komandasına qarşı keçirilmiş oyunda (0:1) zədələnən “Qarabağ”ın qapıçısı Andrey Lunyov məşqlərə başlayıb.
Bu barədə AZƏRTAC-a Ağdam təmsilçisinin mətbuat xidmətinin rəhbəri Anar Hacıyev məlumat verib.
Onun sözlərinə görə, rusiyalı qolkiper hələlik yüngül məşqlərlə kifayətlənir: “Lunyovun “Molde” ilə səfər matçında iştirak edib-etməyəcəyi isə matçdan əvvəl bilinəcək”.
Qeyd edək ki, Andrey Lunyovun “Bayer”lə görüşün 85-ci dəqiqəsində Luka Quqeşaşvili ilə əvəzlənib.
Bölmənin digər xəbərləri
