QAXDA MƏRKƏZİ ATS-İN TUTUMU 768 NÖMRƏ ARTIRILMIŞDIR
AZƏRTAC-ın müxbiri xəbər verir ki, bu münasibətlə keçirilən mərasimdə Qax Telekommunikasiya Qovşağının rəisi Qazı Ömərov respublikamızda dünya standartlarına cavab verən milli rabitə sisteminin qurulmasında ümummilli liderimiz Heydər Əliyevin böyük xidmətlərini bir daha qeyd etmişdir. O, həmçinin rabitə şəbəkəsinin genişləndirilməsi və müasirləşdirilməsi istiqamətində həyata keçirilən tədbirlərdən və qovşağın əldə etdiyi uğurlardan da danışmışdır.
Mərasimdə çıxış edən digər natiqlər respublikamızda iqtisadiyyatın bütün sahələri üzrə aparılan geniş quruculuq işlərindən razı qaldıqlarını bildirmiş və əhalinin sosial problemlərinin həllinə diqqət və qayğı göstərdiyinə görə ölkəmizin başçısına öz minnətdarlıqlarını ifadə etmişlər.
Bölmənin digər xəbərləri
