Qazaxıstan 17 su anbarının tikintisi üçün 2,7 milyard dollar alacaq
Astana, 12 may, AZƏRTAC
Qazaxıstanda 17 su anbarının tikintisi planlaşdırılır.
AZƏRTAC “Kazinform”a istinadla xəbər verir ki, bu barədə Qazaxıstanın su təsərrüfatı və irriqasiya naziri Nurjan Nurjigitov bildirib.
Onun sözlərinə görə, qarşıda duran işlərin miqyası və ərazidə tələb olunan əsaslı vəsait qoyuluşunun həcmi nəzərə alınaraq investorların cəlb edilməsi istiqamətində fəal iş aparılır.
“Bu gün ümumilikdə 2,7 milyard ABŞ dolları məbləğində kredit və qrant ayrılması üçün İslam İnkişaf Bankının İdarə Heyətinin razılığı var. Layihənin iki mərhələdə həyata keçirilməsi planlaşdırılır”, - deyə nazir bildirib.
Bundan əlavə, uzunluğu 5 min kilometrdən artıq olan suvarma kanallarının müasirləşdirilməsi nəzərdə tutulur.
Elşən Rüstəmov
AZƏRTAC-ın xüsusi müxbiri
Astana
Bölmənin digər xəbərləri
