Qazaxıstan ilin sonuna qədər yerli xərçəng dərmanını qeydiyyata alacaq
Bakı, 11 mart, AZƏRTAC
Qazaxıstanda xərçəngə qarşı yerli istehsal olan dərman hazırda 2-ci faza klinik sınağındadır və onun qeydiyyatı ilin sonuna gözlənilir.
AZƏRTAC Kazinform informasiya agentliyinə istinadla xəbər verir ki, bu barədə ölkənin elm və ali təhsil naziri Sayasat Nurbek açıqlama verib. Bildirilib ki, faza 1 klinik sınaqları keçən il tamamlanıb. Təcrübələrdə iştirak edən xəstələrin sayı artıb. Keçən il dərman yalnız kolon xərçənginin müalicəsi üçün sınaqdan keçirilirdisə, hazırda bütün xərçəng növlərinin müalicəsi üçün sınaqdan keçirilir.
Nazir əlavə edib ki, testlər yeni dərman müalicəsinin yaxşı nəticə verdiyini göstərir. Şişlərdə böyümə orta hesabla 30 faiz azalıb və dərman qəbul edən xərçəng xəstələrində irəliləyişlər müşahidə olunub. Bildirilib ki, ilin sonunda nəticələri təqdim etmək üçün mətbuat konfransı keçiriləcək.
Bölmənin digər xəbərləri
