Qazaxıstan Milli Elmlər Akademiyasına yeni rəhbər təyin edilib
Bakı, 12 aprel, AZƏRTAC
Yeni tipli koronavirusa (COVID-19) qarşı “QazVac” adlı Qazaxıstan vaksinini yaratmış Kunsulu Zakarya Qazaxıstan Milli Elmlər Akademiyasının prezidenti təyin edilib.
AZƏRTAC Qazaxıstan dövlət başçısının saytına istinadla xəbər verir ki, Prezident Kasım-Jomart Tokayev aprelin 12-də müvafiq sərəncam imzalayıb.
Kunsulu Zakarya biologiya elmləri doktoru, professor, Elm və texnika sahəsində əl-Fərabi adına Dövlət mükafatı laureatı, Təbiət Elmləri Akademiyasının üzvü, Rusiya Təbiət Elmləri Akademiyasının müxbir üzvü, Yeni tipli koronavirusa (COVID-19) qarşı “QazVac” adlı Qazaxıstan vaksininin müəllifidir. O, bioloji təhlükəsizlik, biotexnologiya və mikrobiologiya sahəsində tanınmış mütəxəssisdir. Yeni təyinata qədər “QazBioPharm Milli Holdinqi” səhmdar cəmiyyətinin baş direktoru olub.
Bölmənin digər xəbərləri
