Qazaxıstan və Rusiya ticarət dövriyyəsini 30 milyard dollara çatdırmaq niyyətindədir
Astana, 30 yanvar, AZƏRTAC
Qazaxıstanın Baş naziri Oljas Bektenov Astanada rusiyalı həmkarı Mixail Mişustinlə görüşündə əldə olunmuş razılaşmaların praktiki icrasının təmin edilməsinin, o cümlədən ikitərəfli ticarətin həcminin 30 milyard dollara çatdırılmasının zəruriliyini bildirib.
AZƏRTAC “Kazinform” agentliyinə istinadla xəbər verir ki, Oljas Bektenovun sözlərinə görə, 2023-cü ildə ticarət dövriyyəsinin həcmi artaraq 27,1 milyard dollar təşkil edib.
“Ötən ilin 11 ayı ərzində qarşılıqlı ticarət də yaxşı nəticələr göstərərək 24,2 milyard dollar həddinə çatıb”, - deyə Oljas Bektenov bildirib.
Qazaxıstanın Baş naziri qeyd edib ki, Rusiya Qazaxıstanın əsas ticarət tərəfdaşlarından biridir.
O deyib: “Qazaxıstanda Rusiyanın iştirakı ilə 23 mindən çox şirkət fəaliyyət göstərir. Bu, xarici kapitallı müəssisələrin ümumi sayının demək olar ki, 40 faizini təşkil edir”.
Elşən Rüstəmov
AZƏRTAC-ın xüsusi müxbiri
Astana
Bölmənin digər xəbərləri
