QAZAXISTAN XƏZƏR ŞELFİNİN SAHƏLƏRİNİN MƏNİMSƏNİLMƏSİ HESABINA NEFT HASİLATINI ARTIRACAQDIR
AZƏRTAC İTAR-TASS-a istinadən xəbər verir ki, Xəzər şelfinin Qazaxıstan sektorundakı neft-qaz bloklarının mənimsənilməsi üzrə tenderlər gələn il başlanacaqdır. Bu barədə iyunun 27-də Kalqaridə(Alberta əyaləti) keçirilmiş “Qazaxıstan Orta Asiyanın mirvarisidir” ticarət-inverstisiya konfransında respublikanın energetika və mineral ehtiyatlar naziri Vladimir Şkolnik bəyan etmişdir. Xəzər şelfinin inkişafı proqramına uyğun olaraq, işlənmək üçün 100-dən artıq sahə təklif ediləcəkdir. Şelf ehtiyatlarının mənimsənilməsi hesabına Qazaxıstan 2015-ci ilədək neft hasilatını üç dəfə - gündə təxminən 1 milyon barreldən 3,5 milyon barrelə qədər artıracaqdır. Nazirin sözlərinə görə, Qazaxıstan hökuməti 2005-ci ildən başlayaraq bilavasitə xarici şirkətlər üçün tenderlər keçirməyi nəzərdə tutur və onların şərtləri konkret sahələr üzrə danışıqlar gedişində müəyyənləşəcəkdir. Qazaxıstan iqtisadiyyatına Kanadadan yeni sərmayələr cəlb etmək məqsədi ilə təşkil olunmuş, konfransda Ottavada işgüzar səfərdə olan Prezident Nursultan Narzarbayev də iştirak etmişdir.
Bölmənin digər xəbərləri
