Qazaxıstanda 1918-ci il macar hərbi əsirlərinin məzarlıqları aşkarlanıb
Astana, 12 may, AZƏRTAC
Qazaxıstanın Pavlodar vilayətində yerləşən Ekibastuz şəhərindəki “Boqatır” açıq kömür mədənində 1918-ci ilə aid macar hərbi əsirlərinin məzarlıqları aşkarlanıb.
AZƏRTAC “Kazinform”a istinadla xəbər verir ki, bu barədə Pavlodar vilayətində arxeoloji ekspedisiyaların iştirakçısı İvan Truxin məlumat verib.
Onun sözlərinə görə, aşkarlanan qalıqlar XX əsrin əvvəllərində Ekibastuz kömür mədənlərində qazmaçı işləmiş macar hərbi əsirlərə məxsusdur. Qazmaçıların dəfn olunduğu yerdə arxeoloqlar qalıqları müəyyən etmək və tarixi sənədləri öyrənmək üçün iş aparırlar.
Mütəxəssis qeyd edib ki, tədqiqatların təhlükəsizliyini təmin etmək və tapıntının tarixi dəyərini qorumaq üçün məzarlığın aşkar edildiyi ərazidə yatağın işlənməsi üzrə işlər müvəqqəti dayandırılıb.
Elşən Rüstəmov
AZƏRTAC-ın xüsusi müxbiri
Astana
Bölmənin digər xəbərləri
