Qazaxıstanda son sutka ərzində koronavirusa 272 nəfər yoluxub
Nur-Sultan, 28 may, AZƏRTAC
Qazaxıstanda son sutka ərzində koronavirusa 272 nəfər yoluxub.
AZƏRTAC xəbər verir ki, ölkədə koronavirusa yoluxma artımı 2,9 faiz təşkil edib.
Səhiyyə naziri Eljan Birtanov bildirib ki, karantin tədbirləri fonunda, xəstələnmə nisbətində azalma müşahidə olunur və məhdudiyyətlər yumşaldıqda isə yoluxma sayında artım görünür. Buna görə normal ictimai həyat, iqtisadi fəaliyyət və sanitar təhlükəsizlik tədbirləri arasında tarazlıq tapmaq vacibdir.
Nazir təhlükəsizlik tədbirlərinə əməl olunmazsa, karantin şərtlərinin sərtləşdiriləcəyini bildirib.
Ümumilikdə, pandemiya dövründə Qazaxıstanda koronavirus infeksiyası 9 min 576 nəfərdə aşkarlanıb, 4 min 893 nəfər sağalıb, 37 xəstə dünyasını dəyişib.
İlahə Əhmədova
AZƏRTAC-ın xüsusi müxbiri
Nur-Sultan
Bölmənin digər xəbərləri
