QAZMAÇILARIN RAHATLIĞI ÜÇÜN ŞƏRAİT YARADILIR
Azərbaycan Respublikası Dövlət Neft Şirkətindən (ARDNŞ) AZƏRTAC-a bildirmişlər ki, Abşeron Qazma İşləri İdarəsinin binasında 150 nəfərlik yeməkxana yüksək səviyyədə təmir edilmişdir. İşçilər fəhlə təchizatı birliyi tərəfindən hər gün isti yeməklə təmin ediləcəkdir. Onların əmək və istirahət şəraitini yaxşılaşdırmaq məqsədi ilə kondisioner və digər məişət cihazları ilə təchiz olunmuş yeni vaqon-evciklər də alınmışdır.
Zəngin təcrübəyə və ənənələrə malik Abşeron Qazma İşləri İdarəsində 500 nəfərədək işçi çalışır. Onların maddi və sosial tələbatının ödənilməsi idarə rəhbərliyinin daimi diqqət mərkəzindədir.
Bölmənin digər xəbərləri
