“Qəbələ” klubu Rauf Əliyevi heyətinə cəlb edib
Bakı, 28 mart, AZƏRTAC
“Qəbələ” klubu heyətini yeni futbolçu ilə gücləndirib.
AZƏRTAC kluba istinadla xəbər verir ki, “qırmızı-qaralar” Rauf Əliyevlə müqavilə imzalayıblar. İyirmi doqquz yaşlı hücumçu 2019-cu ilin yayınadək “Qəbələ”nin şərəfini qoruyacaq.
Son klubu Albaniya təmsilçisi “Kukesi” olan R.Əliyev 2017-ci ilin ikinci yarısında bu ölkədə legioner həyatı yaşayıb. O, karyerası ərzində “Qarabağ”, “Bakı”, “Xəzər-Lənkəran”, “Neftçi” və “İnter” klublarının da formasını geyinib.
Futbolçu 2010-cu ildə debüt etdiyi Azərbaycan yığmasında keçirdiyi 45 oyunda 7 qol vurub.
Bölmənin digər xəbərləri
