QƏBƏLƏDƏ BƏLƏDİYYƏ SEÇKİLƏRİNƏ GENİŞ HAZIRLIQ GEDİR
Qəbələdə bu il dekabrın 17-də keçiriləcək bələdiyyə seçkilərinə geniş hazırlıq işləri gedir. 116 nömrəli rayon dairə seçki komissiyasının sədri Ramiz Əsədov AZƏRTAC-ın müxbirinə demişdir ki, artıq 45 məntəqə seçki komissiyası tam formalaşdırılmışdır. Daha 4 məntəqə yaradılacaqdır. Dəqiqləşdirilmiş seçki siyahıları təsdiq olunub məntəqələrə paylanmışdır. Bu siyahılar yaxın günlərdə Mərkəzi Seçki Komissiyasına təqdim olunacaqdır.
Bundan başqa, məntəqələrdə zəruri dəyişikliklər edilmiş, seçki aparılacaq ərazilərə baxış keçirilmişdir. Gənclərin və qadınların seçkidə daha fəal iştirakı üçün maarifləndirmə işləri aparılır.
Bölmənin digər xəbərləri
