Qəbul imtahanlarında iştirak edəcək abituriyentlərin nəzərinə
Bakı, 5 iyul, AZƏRTAC
Dövlət İmtahan Mərkəzi (DİM) tərəfindən keçirilən qəbul imtahanları (o cümlədən iyulun 10-da keçiriləcək SABAH qruplarına qəbul imtahanı) isti hava şəraiti ilə əlaqədar saat 10:00-da başlanacaq.
Bu barədə AZƏRTAC-a DİM-dən məlumat verilib. Abituriyentlər nəzərə almalıdırlar ki, saat 09:45-də buraxılış rejimi başa çatır və bundan sonra gələn iştirakçılar imtahan binasına buraxılmırlar.
Abituriyentlər buraxılış vərəqəsində göstərilən vaxtda imtahan binasında olmalıdırlar. İmtahana buraxılış vərəqəsində, həmçinin imtahanın keçiriləcəyi tarix, şəhər (rayon), bina, zal, başlanma vaxtı və s. məlumatlar qeyd olunur. Buraxılış vərəqələri imtahandan 1 həftə öncə Mərkəzin saytına yerləşdirilir. Abituriyentlərə özləri ilə şəffaf plastik qabda qazsız su da gətirmələri tövsiyə olunur.
Bölmənin digər xəbərləri
