QIRĞIZISTAN PARLAMENTİNİN ÖZ RADİOSU OLACAQ
AZƏRTAC-ın xüsusi müxbiri xəbər verir ki, Qırğızıstan parlamenti-Joqorku Keneşin öz radiosu olacaq. Bu haqda jurnalistlərə parlamentin sədri Omurbek Tekebayev məlumat vermişdir. Onun sözlərinə görə, artıq yayım üçün radiotezlik də alınmışdır. İlin sonunadək radio fəaliyyətə başlayacaq. O, hələlik Bişkek şəhərini və Çu vilayətini əhatə edəcək. Gələn ilin sentyabrınadək isə ölkənin 70 faizi bizim radioya qulaq asa biləcək.
Omurbek Tekebayev demişdir ki, parlamentin iclasları radio vasitəsi ilə birbaşa translyasiya ediləcək, seçicilərimiz ilk mənbədən informasiya ala biləcəklər. Radioda deputatların fəaliyyəti ilə bağlı ayrı-ayrı proqramlar da hazırlanacaq.
Bölmənin digər xəbərləri
