Qırğızıstanda koronavirusa yoluxanların sayı 46 mini keçib
Bişkek, 26 sentyabr, АZƏRTAC
Qırğızıstanda COVID-19-a yoluxanların sayı yenidən artır. Bir neçə gün bundan əvvəl yoluxma sayı sutkada 100-dən aşağı olmuşdursa, bu gün 158-ə çatıb. Beləliklə ölkədə koronavirus infeksiyalı xəstələrin sayı 46 min 90 nəfər olub.
Qırğızıstan Səhiyyə Nazirliyi mətbuat xidmətinin yaydığı məlumata görə son gündə koronavirusdan 155 nəfər sağalıb və bu rəqəm 42 min 302 təşkil edib.
Son 24 saat ərzində koronavirus infeksiyasına 7, pandemiya dövründə 3 min 234 tibb işçisi yoluxub.
Qeyd olunur ki, xəstəxanalarda 658, ev şəraitində 1619 xəstə müalicə edilir.
Artıq bir həftədir ki, ölkədə bu virusdan ölən olmayıb. Pandemiya dövründə isə koronavirusdan 1063 nəfər dünyasını dəyişib.
Qulu Kəngərli
AZƏRTAC-ın xüsusi müxbiri
Bişkek
Bölmənin digər xəbərləri
