QIRMIZI XAÇ CƏMİYYƏTİNİN NÜMAYƏNDƏLƏRİ SƏDDAM HÜSEYNƏ BAŞÇƏKƏCƏKLƏR
AZƏRTAC xarici informasiya agentliklərinə istinadla bildirir ki, ABŞ-ın İraqdakı hərbi qüvvələri komandanlığının rəhbərliyi Beynəlxalq Qırmızı Xaç Cəmiyyətinin nümayəndələrinə həbsdə olan Səddam Hüseynlə görüşmək məqsədi ilə bu ölkəyə gəlməyə icazə vermişdir. Cəmiyyətin rəsmi nümayəndəsi Florian Vestfal demişdir ki, ABŞ bununla iştirakçısı olduğu Cenevrə Konvensiyasına əməl etdiyini göstərir. İraqın sabiq liderinin saxlanıldığı yer barədə dəqiq məlumat verilmir. Sırf humanitar məqsəd daşıyacaq görüşün tarixi isə hələlik müəyyənləşdirilməmişdir.
Bölmənin digər xəbərləri
