Qızıl medal qazanan türkiyəli gimnast: Uzun zamandır Avropa çempionatına hazırlaşırdıq
Gəncə, 11 noyabr, Cavid Əliyev, AZƏRTAC
Avropa çempionatı böyük yarışdır. Uzun zamandır bu turnirə hazırlaşırdıq.
AZƏRTAC xəbər verir ki, bu sözləri Gəncənin ilk dəfə ev sahibliyi etdiyi gənclər və 15 yaşadək aerobika gimnastikası üzrə Avropa çempionatında “üçlük” proqramında qızıl medal qazanan Türkiyə təmsilçisi Furkan Saylan deyib.
Fəxri kürsünün ən yüksək pilləsinə qalxan idmançı nəticəyə görə xoşbəxt olduğunu qeyd edərək bildirib: “Avropa çempionatına hazırlıq dönəmində müəyyən çətinliklər olurdu. Amma əsas odur ki, sonda qələbə qazandıq. Komanda yoldaşlarımı təbrik edirəm. Bizə dəstək olan məşqçilərimizə və ailə üzvlərimizə minnətdarıq”.
Qeyd edək ki, Avstriya, Bolqarıstan, Çexiya, Rumıniya, Estoniya, Finlandiya, Fransa, Almaniya, Böyük Britaniya, Yunanıstan, Macarıstan, İtaliya, Litva, Portuqaliya, Moldova, Slovakiya, İspaniya, Türkiyə, Ukrayna və ev sahibi Azərbaycandan ümumilikdə 380 gimnast çempionluq uğrunda mübarizə aparır.
Bölmənin digər xəbərləri
