Qubada baş verən yanğının meşə sahəsinə keçməsinin qarşısını almaq üçün tədbirlər görülür
Bakı, 31 iyul, AZƏRTAC
İyulun 31-də Quba rayonunun “Pirvahid” adlanan ərazisindəki pay torpaqlarında yanğın hadisəsi baş verib.
Yanğının söndürülməsi və meşə fondu torpaqlarına keçməsinin qarşısını almaq üçün Ekologiya və Təbii Sərvətlər Nazirliyinin (ETSN) yerli qurumlarının əməkdaşları və Fövqəladə Hallar Nazirliyinin Yanğından Mühafizə Xidmətinin canlı qüvvə və texnikası dərhal yanğının baş verdiyi əraziyə ezam olunublar.
ETSN-in mətbuat xidmətindən AZƏRTAC-a verilən məlumata görə, hazırda yanğının söndürülməsi istiqamətində təcili tədbirlər həyata keçirilir.
Bölmənin digər xəbərləri
