Qubada narkotikin təsiri altında avtomobil idarə edən sürücü saxlanılıb
Quba, 14 sentyabr, Elxan Yusifli, AZƏRTAC
Quba Rayon Polis Şöbəsinin Dövlət Yol Polisi Bölməsinin əməkdaşları tərəfindən "Mercedes” markalı nəqliyyat vasitəsinin sürücüsü Əmin Didari nəzarət-yoxlama qaydasında saxlanılıb.
Daxili İşlər Nazirliyinin mətbuat xidmətinin Quba regional qrupundan AZƏRTAC-ın bölgə müxbirinə verilən məlumatda görə, polis əməkdaşları tərəfindən sürücünün narkotik vasitənin təsiri altında olmasına dair əsaslı şübhələr olduğundan o, tibbi müayinədən keçirilib. Müayinənin nəticəsinə əsasən həmin şəxsin marixuanadan istifadə etdiyi sübuta yetirilib. Ə.Didari barəsində qanunvericiliyin tələblərinə uyğun müvafiq tədbir görülüb.
Bölmənin digər xəbərləri
