QURAN VƏ SÜNNƏDƏKİ ELMİ MƏLUMATLAR ENSİKLOPEDİYASI NƏŞR EDİLƏCƏKDİR
AZƏRTAC-ın Müstəqil İslam İnformasiya Agentliyindən aldığı xəbərdə deyilir ki, Quran və Sünnədəki elmi məlumatların araşdırılması ilə məşğul olan Beynəlxalq komissiya (Məkkədəki Dünya müsəlmanları liqasının bölməsi) onlarda öncədən xəbər verilən elmi kəşflər haqqında ensiklopediyanın nəşrinə hazırlaşır. Bu ensiklopediya Quranın 1300 ayəsinə və Peyğəmbərin (əleyhüssəlam) 7000 hədisinə əsaslanan elmi məlumatlardan ibarət olacaqdır.
Dubayda Quran ayələrində və hədislərdəki yalnız bizim dovrümüzdə təsdiqlənən elmi kəşflərə həsr edilmiş beynəlxalq konfrans keçirilmişdir. Konfransın materialları üç cilddə çap olunmuşdur. Ərəbcə orijinaldan əlavə, ingilis, fransız, urdu və türk dillərinə tərcümələr də var.
Bölmənin digər xəbərləri
