Rafael Harpaz: Azərbaycanda dövlət-din münasibətləri yüksək səviyyədə qurulub
Bakı, 23 oktyabr, AZƏRTACİsrailin Azərbaycandakı səfiri Rafael Harpaz Dini Qurumlarla İş üzrə Dövlət Komitəsinin sədri Mübariz Qurbanlı ilə görüşdə Azərbaycanda yəhudilərə göstərilən diqqətdən, ölkəmizdə dövlət-din münasibətlərinin yüksək səviyyədə qurulmasından məmnunluğunu bildirib. Səfir deyib ki, azərbaycanlılar həmişə yəhudilərə qardaş münasibəti bəsləyiblər və onlar bu ölkədə nə vaxtsa dini və etnik zəmində hər hansı problemlə qarşılaşmayıblar.
Komitədən AZƏRTAC-a verilən məlumata görə, görüşdə Azərbaycan ilə İsrail arasında əlaqələrin tarixi köklərə malik olduğu və bu əlaqələrin hazırda uğurla davam etdiyi bildirilib. Söhbət zamanı qarşılıqlı münasibətlərin daha da inkişaf etdirilməsinin zəruriliyi vurğulanıb.
Bölmənin digər xəbərləri
