“Reuters”: Cozef Bayden administrasiyası Kiyev üçün son yardım paketini elan edəcək
Bakı, 20 dekabr, AZƏRTAC
ABŞ Prezidenti Cozef Bayden administrasiyası yaxın günlərdə Ukraynaya 1,2 milyard dollar həcmində son yardım paketini elan edəcək.
AZƏRTAC xəbər verir ki, “Reuters” agentliyi bu barədə mənbələrinə istinadla məlumat yayıb. Məlumata görə, Ukraynada Təhlükəsizliyə Yardım Təşəbbüsü (USAI) vasitəsilə Kiyevə veriləcək paketə artilleriya mərmiləri və zenit raketləri daxil olacaq. Kiyevə təqdim olunan hərbi texnika mövcud ehtiyatlardan deyil, müdafiə şirkətlərinə verilən sifarişlərdən əldə ediləcək. Bu o deməkdir ki, onların döyüş meydanına çatmasına aylar və ya illərlə vaxt lazım olacaq.
Ekspertlərin sözlərinə görə, bu, Donald Trampın hakimiyyətə gəlməsi ilə ABŞ-ın USAI çərçivəsində Ukraynaya birbaşa hərbi yardımın sonuncu partiyası ola bilər.
Qeyd edək ki, Vaşinqton 2022-ci ilin fevralından bəri Kiyevə 175 milyard dollarlıq yardım edib.
Bölmənin digər xəbərləri
