“Rosselxoznadzor”un nümayəndələri ilə kartof partiyalarında uyğunsuzluqların aradan qaldırılması müzakirə olunub
Bakı, 11 aprel, AZƏRTAC
Azərbaycan Qida Təhlükəsizliyi Agentliyinin (AQTA) və Rusiya Federasiyasının Baytarlıq və Fitosanitar Nəzarəti üzrə Federal Xidmətinin (“Rosselxoznadzor”) nümayəndələri arasında onlayn görüş olub.
Agentliyin İnformasiya təminatı və innovativ həllər şöbəsindən AZƏRTAC-a verilən məlumata görə, görüşdə Rusiyadan ölkəmizə idxal olunan qida, o cümlədən kartof məhsulları partiyalarında aşkarlanmış uyğunsuzluqların araşdırılması, aradan qaldırılması və gələcəkdə təkrarlanmaması üçün görüləcək tədbirlərə dair müzakirələr aparılıb. Bu istiqamətdə iki ölkənin bitki karantini sahəsində informasiya sistemlərinin inteqrasiyasının əhəmiyyəti vurğulanıb.
Həmçinin qarşılıqlı maraq doğuran digər məsələlər nəzərdən keçirilib və təkliflər irəli sürülüb.
Bölmənin digər xəbərləri
