Rubio: USAID rəsmi olaraq bağlanma rejiminə keçib
Vaşinqton, 29 avqust, AZƏRTAC
ABŞ Beynəlxalq İnkişaf Agentliyinə (USAID) yeni direktor təyin olunub.
AZƏRTAC-ın məlumatına görə, bu barədə ABŞ Dövlət katibi Marko Rubio sosial media hesabında yazıb.
O bildirib ki, bu vəzifədə onu İdarəetmə və Büdcə Departamentinin direktoru Rassel Vout əvəz edəcək.
“Yanvar ayından biz vergi ödəyicilərinə on milyardlarla dollar qənaət etməyə imkan vermişik. Bir sıra əsas proqramlar Dövlət Departamentinə köçürüldükdən sonra USAID rəsmi olaraq bağlanma rejiminə keçib. Rassel indi uzun müddət əvvəl relsdən çıxan bir agentliyin bağlanmasına nəzarət etmək üçün vəzifə başındadır”, - deyə Rubio yazıb.
Məlahət Nəcəfova
AZƏRTAC-ın xüsusi müxbiri
Vaşinqton
Bölmənin digər xəbərləri
