RUS DİLİNDƏN AZƏRBAYCAN DİLİNƏ TƏRCÜMƏ SİSTEMİ YARADILMIŞDIR
Bakı, 2 oktyabr (AZƏRTAC). Azərbaycanın “İntelsoft” şirkəti tərəfindən ruscadan dilimizə ilk Azərbaycan online-tərcümə sisteminin beta-versiyası hazırlanmışdır.
Azərbaycan Milli Elmlər Akademiyasının İnformasiya Texnologiyaları İnstitutundan AZƏRTAC-a verilən məlumata görə, hazırda şirkət tərəfindən http://translate.intelsoft.az ünvanında yerləşən sistemin təkmilləşdirilməsi üzrə işlər davam etdirilir.
“İntelsoft” şirkətinin direktoru Emin Nuriyev sistemin ilkin variantının “BakuTel-2010” XVI telekommunikasiya sərgisi çərçivəsində təqdim olunacağını bildirmişdir.
Sistemin online-versiyası 5000 simvol həcmində mətni tərcümə etməyə imkan verir, lüğət bazası isə daim təkmilləşdirilir.
Bölmənin digər xəbərləri
