RUSİYA MÜSƏLMANLARININ LİDERLƏRİ RUHANİ İDARƏLƏRİNİN BİRLƏŞMİŞ ŞURASINI YARATMIŞLAR
Yeni qurum öz məqsəd və məramı barədə bəyanat yaymışdır. Sənədi Şimali Qafqaz Müsəlmanları Əlaqələndirmə Mərkəzinin sədri İsmayıl Berdiyev, Rusiya Müftilər Şurasının sədri Ravil Qaynuddin və Rusiya Müsəlmanları Mərkəzi İdarəsinin sədri Talqat Tacuddin imzalamışlar.
Birləşmiş Şuranın əsas məqsədləri ekstremizmin və terrorizmin qarşısının alınması məsələlərində Rusiya müsəlmanlarının mərkəzləşdirilmiş təşkilatlarının dövlət və cəmiyyətlə əməkdaşlığını inkişaf etdirmək, ekstremizmə və terrorizmə qarşı fəaliyyət çərçivəsində bu təşkilatların birgə tədbirlərini müəyyənləşdirməkdir.
Şuranın iştirakçıları əmindirlər ki, ekstremizmlə və terrorizimlə mübarizədə dövlətin, cəmiyyətin bütün sağlam qüvvələrinin, o cümlədən müsəlmanların birgə səyləri möhkəm sülhü, birliyi və həmrəyliyi qoruyub saxlamaqda, ölkənin mənəvi dirçəlişində yeni uğurlara nail olmaqda Rusiya xalqlarına kömək edəcəkdir.
Bölmənin digər xəbərləri
