RUSİYA PREZİDENTİNİN SEÇKİLƏRİNDƏ 1000-Ə QƏDƏR BEYNƏLXALQ MÜŞAHİDƏÇİ İŞTİRAK EDƏCƏK
O demişdir ki, ATƏT xətti ilə uzunmüddətli beynəlxalq müşahidə missiyaları Rusiyanın 15 subyektində, o cümlədən Tatarıstanda da fəaliyyət göstərəcəkdir. Bu missiyaların nümayəndələrinin artıq növbəti həftə regionlara gələcəyi və seçkilərə qədər və sonra da burada işləyəcəyi gözlənilir.
ATƏT xətti ilə 450 beynəlxalq müşahidəçinin gəlməsi nəzərdə tutulmuşdur. Onların 400 nəfəri parlament üzvüdür.
Aleksandr Veşnyakovun sözlərinə görə, Federasiya Şurası və Dövlət Duması Avropa Şurası Parlament Assambleyasına seçkilərdə beynəlxalq müşahidəçi kimi iştirak etmək barədə artıq rəsmi dəvət göndərmişdir. Rusiya Mərkəzi Seçki Komissiyası MDB ölkələrindən və dünyanın müxtəlif dövlətlərinin seçki orqanlarından da müşahidəçilər dəvət etmişdir.
Bölmənin digər xəbərləri
